في حدا بتعملّو كاسة شاي، ف بِقلَّك :
شكرًا، يسلمو إيديك
وحدا ثاني بِقلَّك :
الشّاي ليش ناقص سكّر؟
حدا بتجبلو ساعة هديّة؛ بِقلّك :
" شكرًا إنّك تذكّرتني "
وحدا ثاني بِقلّك :
" عندي ساعات أحلى من هيك بكتير "
حدا بـ كل مشكلة بِقلّك:
" بعمري ما شفت يوم حلو معك "
وحدا ثاني بِقلّك :
" رح نحل الموضوع، كرمال كل الحلو يلي عشتو معك "
النّاس نوعين :
نوع عينو بتعرف تشوف الحلو يلي بكل موقف بصير وبِقدّرو الظروف، ف غصب عنّك بتبقى دائمًا مستعد تسعدو ولو تطول بتجبلو نجمة من السما مارح تقصِّر.
ونوع لو تولّع أصابعك العشرة شموع رح يضل يشوفك مقصِّر، وعينو ما بتشوف إلّا البشع من كل حلو بصير، ف غصب عنك بتبقى ما قادر حتى تشوفو.
في اشخاص بتعمل معهم معروف صغير
بيحملك ياه طول العمر
واشخاص بتعمل معهم معروف بينقذ حياتهم .. وكرمال مصالحهم الشخصية وغيرتهم بيرمو كل شي بلحظة!
" كل المُواصفات الحلوة بالشخص ما إلها أهمية مُقابل صفة إنّو سهل المعشَر، والتعامُل معو مُريح " 🤎
ليست هناك تعليقات:
إرسال تعليق